" ಮೈಸೂರು ಸಂಗೀತ ವಿದ್ಯಾಲಯ, ಡೊಂಬಿವಲಿ,"

(26th National Kannada Conference held at New-Delhi, presented the Award to ' The Mysore Sangith Vidyalay,' Dombivli, Mumbai, Maharashtra), ,ಇತ್ತೀಚೆಗೆ ಹೊಸ- ದೆಹಲಿಯಲ್ಲಿ ' ದೆಹಲಿ ಕನ್ನಡಿಗ ಪತ್ರಿಕೆ,' ಏರ್ಪಡಿಸಿದ್ದ, ’’೨೬ ನೆಯ ರಾಷ್ಟ್ರೀಯ ಕನ್ನಡ ಸಮ್ಮೇಳನ,’ ನಡೆದಾಗ, ಮುಂಬೈ ನ " ಉಪನಗರಿಯಲ್ಲಿರುವ ಡೊಂಬವಲಿಯ ಮೈಸೂರು ಸಂಗೀತ ವಿದ್ಯಾಲಯ " ಕ್ಕೆ "ಅತ್ಯುತ್ತಮ ಸಂಗೀತ ಶಿಕ್ಷಣ ಸಂಸ್ಥೆ " ಯೆಂಬ ಪ್ರಶಸ್ತಿಯನ್ನು ಆಹ್ವಾನಿತ ಶ್ರೋತೃಗಳ ಸಮ್ಮುಖದಲ್ಲಿ, ಪ್ರದಾನ ಮಾಡಲಾಯಿತು ! ತುಮಕೂರು ವಿಶ್ವವಿದ್ಯಾಲಯದ ಮಾಜೀ ಕುಲಪತಿ, ಪ್ರೊ. ಓ.ಅನಂತರಾಮಯ್ಯನವರು, ಶ್ರೀ ನಾಗಭೂಷಣರವರಿಗೆ ಶಾಲುಹೊದಿಸಿ ಸನ್ಮಾನಿಸುತ್ತಿದ್ದಾರೆ. 'ಬೆಂಗಳೂರಿನ ಕನ್ನಡಸಾಹಿತ್ಯ ಪರಿಷತ್ ನ ಅಧ್ಯಕ್ಷ, ' ಡಾ. ನಲ್ಲೂರ್ ಪ್ರಸಾದ್ ರವರು, ಮುಂಬೈನ 'ಮೈಸೂರು ಸಂಗೀತ ವಿದ್ಯಾಲಯ ' ಕ್ಕೆ, " ಬೆಸ್ಟ್ ಸಂಗೀತ ವಿದ್ಯಾಲಯ " ಸನ್ಮಾನದಿಂದ ಗೌರವಿಸಿದರು. ಶ್ರೀ ನಾಗಭೂಷಣರವರು, "ಪ್ರಶಸ್ತಿಪತ್ರ " ವನ್ನು ಸ್ವೀಕರಿಸುತ್ತಿದ್ದಾರೆ. (26th National Kannada Conference at New Delhi, ) ೨೬ ನೆಯ ರಾಷ್ಟ್ರೀಯ ಕನ್ನಡ ಕಾನ್ಫರೆನ್ಸ್ ಹೊಸ ದೆಹಲಿ ಯಲ್ಲಿ ಶ್ರೀ ನಾಗಭೂಷಣರು, ಸಿಂಪೋಸಿಯಮ್ ಒಂದರಲ್ಲಿ ಭಾಗವಹಿಸಿದಾಗ ತೆಗೆದ ಚಿ...

ಮೈಸೂರು ಸಂಗೀತ ವಿದ್ಯಾಲಯ, ಡೊಂಬವಲಿಯವರು, ಕರ್ನಾಟಕ ಶಂಕರ ವಿಜಯ ಗಮಕವಾಚನವನ್ನು ಹೋದವಾರ, ಆಯೋಜಿಸಿದ್ದರು. ನವನವ ಕಾಳಿದಾಸ, ಕುಮಾರ ಸಂಭವ ಪೌರಾಣಿಕ ಶಿರೋಮಣಿ ಬಿರುದಾಂಕಿತ, ಆಸ್ಥಾನವಿದ್ವಾನ್ ಸಾಲಿಗ್ರಾಮ ಶ್ರೀಕಂಠಶಾಸ್ತ್ರಿ , ಗಳ ವಿರಚಿತ, ' ಕರ್ನಾಟಕ ಶಂಕರ ವಿಜಯ' ದ ಭಾಮಿನೀಷಟ್ಪದಿಯ ಗಮಕವಾಚನವನ್ನು ಗಮಕ ವಿದ್ವಾನ್. ಎಮ್. ಎ, ಜಯರಾಮರಾವ್ ರವರು ತಮ್ಮ ಮಧುರಕಂಠ, ವಿವಿಧ ರಾಗಗಳ ಸಂಯೋಜನೆ, ಸ್ಪುಟವಾದ ಸಾಹಿತ್ಯ ಉಚ್ಚಾರಣೆಗಳಿಂದ ಶ್ರೀ. ಶ್ರೀ. ಶಂಕರಾಚಾರ್ಯರ ಮತ್ತು ಶ್ರೀ. ಶ್ರೀ. ಮಂಡನಮಿಶ್ರರ ವಾಗ್ವಾದ ಭಾಗವನ್ನು ಪಾಂಡಿತ್ಯಪೂರ್ಣವಾಗಿ, ಎಲ್ಲಾ ವರ್ಗದ ಶ್ರೋತೃಗಳಿಗೂ ರುಚಿಸುವಂತೆ ವ್ಯಾಖ್ಯಾನಮಾಡಿದರು. ಕೇವಲ ಗಮಕ ವಾಚನವಲ್ಲದೆ ಸಾಮಾನ್ಯರಿಗೂ ಅರ್ಥವಾಗುವಂತೆ ಸರಳ ಸುಂದರ ವ್ಯಾಖ್ಯಾನ ಕಲೆಯಲ್ಲಿ ನಿಷ್ಣಾತರಾದ ರಾಯರ ಪ್ರತಿಭೆಗೆ, ಎಲ್ಲರೂ ಮನಸೋತರು. ಡೊಂಬಿವಲಿಯ, 'ಜಗದ್ಗುರು ಶ್ರೀ ಆದ್ಯ ಶಂಕರಾಚಾರ್ಯ ಸಮಿತಿ' ಯ ಅಧ್ಯಕ್ಷರಾದ ಎ. ಕೆ. ದೇಶಪಾಂಡೆ, ಉಪಾಧ್ಯಕ್ಷ ಎಚ್. ಎ. ಕುಲಕರ್ಣಿ, ಹಾಗೂ ಸಮಿತಿಯ ಸದಸ್ಯರು ಈ ಸಮಯದಲ್ಲಿ ಉಪಸ್ಥಿತರಿದ್ದರು. ಗಮಕ ವಿದ್ವಾನ್ ಜೈರಾಮ್ ರಾಯರಿಗೆ ಶಾಲುಹೊದಿಸಿ ಸನ್ಮಾನಿಸಲಾಯಿತು. ಇದೇ ಸಮಯದಲ್ಲಿ, ’ಮೈಸೂರು ಸಂಗೀತ ವಿದ್ಯಾಲ” ದ ಪ್ರಾಂಶುಪಾಲರಾದ ಉಮಾನಾಗಭೂಷಣ ಹಾಗೂ ನಾಗಭೂಷಣ ದಂಪತಿಗಳಿಗೆ, ಶಾಲು ಹೊದಿಸಿ, ಫಲ-ಪುಷ್ಪಗಳನ್ನು ಸಮರ್ಪಿಸಿ ಸನ್ಮಾನಿಸಲಾಯಿತು.

ಮೈಸೂರಿನ ಹಿರಿಯ ಚೇತನ, ನಿವೃತ್ತ, ನ್ಯಾಯಾಧೀಶ, ನಿಟ್ಟೂರು ಶ್ರೀನಿವಾಸರಾಯರ ಬಗ್ಗೆ ತಿಳಿಯುವುದು ಅತ್ಯಂತ ಆವಶ್ಯಕ. ಇಂದಿನ ಯುವಕರು ಅವರ ಮೌಲ್ಯಯುತವಾದ ಜೀವನ ಚರಿತ್ರೆಯನ್ನು ಖಂಡಿತ ಓದಬೇಕು. ಗಾಂಧಿವಾದಿ, ಮೈಸೂರಿನ ಹೈಕೋರ್ಟ್ ನ್ಯಾಯಾಧೀಶರಾಗಿದ್ದ ತಮ್ಮ ಕಾರ್ಯಾವಧಿಯ ಸಮಯದಲ್ಲಿ ಎಲ್ಲರಿಗೂ ಮಾದರಿಯಾದ ಹಲವಾರು ಸಮಾಜಸೇವಾ ಕಾರ್ಯಗಳನ್ನು ಅತ್ಯಂತ ಶ್ರದ್ಧೆ, ಹಾಗೂ ಅಚ್ಚುಕಟ್ಟಾಗಿ ನಿರ್ವಹಿಸಿ, ಹೆಸರು ಸಂಪಾದಿಸಿದ್ದರು. ಅಂತಹ ಮಹನೀಯರು ಒಳ್ಳೆಯಕಾರ್ಯಮಾಡುವ ಎಲ್ಲರನ್ನೂ, ಪ್ರೋತ್ಸಾಹಿಸುತ್ತಿದ್ದರು. ಬೊಂಬಾಯಿನ, ಉಮಾ ನಾಗಭೂಷಣ ದಂಪತಿಗಳ " ಸಂಗೀತ ಜ್ಞಾನದಾಸೋಹ " ವನ್ನು ಅವರು ಮನಸಾರೆ ಮೆಚ್ಚಿಕೊಂಡು, ತಮ್ಮ ಶುಭಾಶೀರ್ವಚನಗಳನ್ನು ಅಂಚೆಯಲ್ಲಿ ಕಳಿಸಿಕೊಟ್ಟಿದ್ದರು......

’ಮೈಸೂರು ಸಂಗೀತ ವಿದ್ಯಾಲಯ ’ ದ ಬೆಳವಣಿಗೆಯ ಹಲವು ಹಂತಗಳನ್ನೂ, ಆಶಯಗಳನ್ನೂ ಇಲ್ಲಿ ದಾಖಲಿಸಲಾಗಿದೆ. ಉಮಾರವರು ಹಮ್ಮಿಕೊಂಡ ಹಲವಾರು ಸಂಗೀತ ಕಛೇರಿಗಳ ವಿಸ್ತ್ರುತ ವಿವರಣೆಯನ್ನು ನಾವು ಕಾಣಬಹುದು.

ಶ್ರೀಮತಿ. ಉಮಾನಾಗಭೂಷಣರು, ಮನೆಯಲ್ಲಿ ಅನೇಕ ಚಟುವಟಿಕೆಗಳನ್ನು ಹಮ್ಮಿಕೊಂಡಿದ್ದಾರೆ. ಮನೆಯನ್ನು ಅಚ್ಚುಕಟ್ಟಾಗಿ ಸಜಾಯಿಸುವುದು, ಪ್ರಮುಖ ಕಾರ್ಯಗಳಲ್ಲೊಂದು. ಏಕೆಂದರೆ, ಮುಂಬೈ ನ ಪುಟ್ಟಮನೆಯಲ್ಲಿ, ತಮಗೆ ಬಂದಿರುವ ಪ್ರಶಸ್ತಿಗಳು, ಬಿನ್ನವತ್ತಳೆಗಳು, ಪ್ರಶಸ್ತಿಪತ್ರಗಳು ಟ್ರೋಫಿಗಳು ಇತ್ಯಾದಿಗಳನ್ನು ಎಚ್ಚರಿಕೆಯಿಂದ ಸಂಗ್ರಹಿಸಿ ಅದನ್ನು ಅಚ್ಚುಕಟ್ಟಾಗಿ ಪ್ರದರ್ಶಿಸುವುದೂ ಒಂದು ಕಲೆಯೇ ! ಪತಿ, ಶ್ರೀ ನಾಗಭೂಷಣರು ತಮ್ಮ ಕಚೇರಿಯ ಕೆಲಸದ ಬಳಿಕ, ಮೈಸೂರು ಸಂಗೀತ ವಿದ್ಯಾಲಯದ ಕಾರ್ಯಕ್ರಮಗಳಲ್ಲಿ ಸದಾ ಆಸಕ್ತರು. ಸತಿ-ಪತಿಗಳ ನಿರಂತರ ಅವಿಶ್ರಾಂತ ಕಾರ್ಯಚಟುವಟಿಗೆಗಳ ಫಲಸ್ವರೂಪದಿಂದ ಈ ಸಂಸ್ಥೆ ತಲೆಯೆತ್ತಿನಿಂತಿದೆ.

ಮೈಸೂರು ಸಂಗೀತ ವಿದ್ಯಾಲಯದ ಬಗ್ಗೆ ಕೆಲವು ಮಾಹಿತಿಗಳು :

ಹೊರನಾಡಿನ ಅನೇಕ ವೈವಿಧ್ಯಪೂರ್ಣ ಸಂಗೀತಾಸಕ್ತರ ಆಸಕ್ತಿಗಳನ್ನು ಗಮನದಲ್ಲಿಟ್ಟುಕೊಂಡು ಉಮಾನಾಗಭೂಷಣ, ಹಾಗೂ ನಾಗಭೂಷಣರು ತಮ್ಮ ಸಂಗೀತವಿದ್ಯಾಭ್ಯಾಸದ ಕಾರ್ಯವಿಧಿಗಳನ್ನು ನಿಯೋಜಿಸಿ ಪ್ರಸ್ತುತಪಡಿಸುತ್ತಾ ಬಂದಿದ್ದಾರೆ. ಸಂಗೀತ ಸಾರ್ವಭೂಮ, ತ್ಯಾಗರಾಜರ ಜೊತೆಗೆ, ಕರ್ನಾಟಕ ಸಂಗೀತ ಪಿತಾಮಹ, ಪುರುಂದರದಾಸರ ಆರಾಧನಾ ಮಹೋತ್ಸವಗಳನ್ನು ಪ್ರತಿವರ್ಷವೂ ತಪ್ಪದೆ ನಡೆಸಿಕೊಂಡು ಬಂದಿರುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇಲ್ಲಿಗೆ, ಕರ್ನಾಟಕದ ಹೆಸರಾಂತ ಗಾನವಿದುಷಿಯರಾದ, ಡಾ. ಟಿ. ಎಸ್. ಸತ್ಯವತಿ, ಮುಂತಾದವರು ಬಂದು, ’ಸಂಗೀತ ಕಾರ್ಯಾಗಾರ ’ ಗಳನ್ನು ಯಶಸ್ವಿಯಾಗಿ ನಡೆಸಿಕೊಟ್ಟಿದ್ದಾರೆ.